ســــــــــــا و ا لا نیم

S a V a L a N i M

---

داغلارین  باشی  قارا

دیبینین  داشی  قارا

بوردا  بیر  قئز  گؤرموشم

 گؤزی  شوخ  قاشی  قارا                     

                                                                   

سؤزون دئمه آشکارا

درده  تاپیلماز  چارا

دیندیرمه  قان  آغلارام

اؤرگیمده  وار  یارا

 

من  عاشق  ایشیقلارا

زولفی  دولاشیقلارا

الیمه  بیر  ساز  آللام

قوشوللام  عاشیقلارا

 

چیخدیم  اوجا  دیوارا

باخدیم  او  نازلی  یارا

من  باخدیم  او  باخمادی

قلبیمه  ووردی  یارا

 

یار  گلدی  بو  دیارا

گؤیلومه  ائتدی  چارا

بیر  گؤزل  قئز  سئومیشم

اؤزی  آغ  گؤزی  قارا

پست مطلب توسط یاکا در 21:51 |  لینک ثابت   •